Thang mombati ki lai seng ba shah pynïap bad lehbeiñ ka khynnah san snem ha Jowai

Syllad | The Rising MeghalayaJanuary 22, 2019

Jowai: Ki lai tylli ki kynhun sengbhalang kila ka AJSU, HYC bad ka AJHSWO hynne ka janmiet kila pynlong ka jingthang mombati kum ka dak ban sngewlem ïaka khynnah ba 5 snem ka rta kaba la duh ei ka jingim naka jingshah lehbeiñ haka 17 tarik u bnai Kyllalyngkot ha kawei ka shnong ha West Jaiñtia Hills District.

Ïa kane ka jingthang mombati la pynlong ha Iawmusiang, Jowai bad la ïashimbynta da ki paidbah, ki nongïalam bad dkhot jong ki lai seng. La pynrem jur ïa u ba shah kynnoh donkti u Dawanbiang Langstang bad la kyrpad ïaka aiñ ban pynshitom da kaba tyngeh ïa une u briew.