Thaw history ka North Liberty HSS haka Subroto Cup, rah nam lahduh ha baroh ki kyrdan

Syllad | The Rising MeghalayaJune 1, 2019

JOWAI: Ka North Lberty Higher Secondary School kala thaw history haka jingïalehkai football District Level Inter School Football Tournament kaba tip kum ka Subroto Cup hadien ba kala ïoh rah nam lahduh ha baroh lai tylli ki kyrdan-U-14 Boys’, U-17 Boys’ & Girls’ kaba pynïaid da ka ophis u District Sports Officer, West Jaintia Hills District haka jingiakhun final kaba long ha KIng Nangbah Stadium haka sngi Saitjaiñ.

Haka kyrdan U-14 Boys’ ka North Liberty HSS kala pynliem ïaka Marian Hills HSS da 2-1 kol.

Haka kyrdan U-17 Girls’ k North Liberty HSS kala jop da 5-0 kol ïaka HK Singh Memorial SS.

Haka kyrdan U-17 Boys’ ka North Liberty HSS kala jop da 4-1 kol pyrshah ïaka Skhentalang SS.

Da kane ka jingkhur ïaka nam lahduh ha baroh kine ki kyrdan ka North Liberty HSS tang maka marwei kan leit ban mihkhmat ïaka West Jaintia Hills sha ka State Level kaban long sa long shen,

U JR. Marak Deputy Director of Sports & Youth Affairs jong ka sorkar Jylla ula wan ban sakhi ïa kane ka jingiakhun kum u kongsan haka jingiadonlang u Daniel Dann DSO East Khasi Hills District, u Khroobok Passah, DSO East Jaintia Hills District bad u Bah Hering Shangpliang DSO West Jaintia nolor kiwei kiwei.