Thaw ka JNC iaka tnad Western Zone

Syllad | The Rising MeghalayaJanuary 2, 2024

Ka Jaiñtia National Council (JNC) kum shi bynta ban pyniar bad pynkhlain ia ka jingtreikam jong ka seng JNC ha 2 tarik Kyllalyngkot kala thaw iaka Western Zone ha West Jaintia Hills District.

La pynskhem iaki nongkitkam bad dkhot da u president central body, Ma Sambormi Lyngdoh ha ryngkat ka jingiadon ryngkat u general secretary CEC Ma Wanshwa Suting, ki vice president Ma Ency Shadap, Ma Nangjan Dkhar, assictant secretary CEC Ma Allmiki Ryngkhlem bad u publicity secretary CEC Ma Mebanteilang Sukhlaiñ bad kiwei kiwei ki nongialam ki unit ki circle bad ki zone ka JNC. Iaka jingialang la pyniaid da u arts & culture secretary samla Mehi Rymbai.

U Ma Sambormi Lyngdoh haba ai jingkren ula ai mynsiem iaki nongialam jong ka Western Zone bad ula ong ba kum ki nongialam kidei ban skhem ka nongrim bad ban don ka jingshaniah ka jingia ieit iwei ia iwei khnang ba yn lah ban pyntyllun iaki kam ban ai ka jingshakri kaba paka bad daka jingieid iaka Ri bad ka Jaidbynriew jong ngi. Ula ong ruh ba ka West Jaiñtia kadei kawei naki District kaba don iaki ba nang ba stad bad la don ruh shibun kiba la noh synniang iaka jingshakri iala ka Rilum Jaiñtia kaba ieid jong ngi. Ula kitbok kitrwiang ruh iaki nongialam kane ka shnat ba kum kiba stad kidei ban pyndonkam iaka sha kiba bun ki dawbah jong ka jaidbynriew.

Ki nongkitkam ka JNC Western Zone:

1. President- Leo Ferdinand Dhar

2. Vice President- Hamehi Bamon

3. General Secretary- Heibormi Lyngdoh

4. Assistant Secretary- Marcel Rumut

5. Finance secretary- Kitboklang Kharbhih

6. Assistant Finance Secretary- Heipormi Sapuh

7. Organising Secretary- Rapmeki Pohti

8. Education Secretary- Damehi Marcio Pasi

9. Arts & Culture Secretary- Daohi Shylla

10. Environment Secretary- Eipura Sten

11. Publicity Secretary- Pynbiang Rabon