Thaw ki 6 ngut ki MLA ïaka UPF ban pynkhlain ïaka sorkar MDA

Syllad | The Rising MeghalayaAugust 5, 2019

SHILLONG: Ki Hynriew ngutki MLA kiba kyrshan iaka sorkar Meghalaya Democratic Alliance (MDA) haka sngi Nyngkong kila thaw ïaka ‘United Progressive Front’ (UPF) na ka bynta ban pynkhlain bad ban pynneh ïaka sorkar MDA haduh ba kut ka samoi.

Saw ngut na kine ki MLA ki dei jong ka Peoples Democratic Party (PDF) ba kynthup ïa u Banteidor Lyngdoh, Hamletson Dohling, Jeson S Mawlong and Gavin Mylliem, uwei u Independent MLA Lambor Malangniang bad Saleng A Sangma MLA ka Nationalist Congress Party (NCP).

Kine ki MLA kila ai ruh ïaka shithi ha u Deputy Speaker jong ka Meghalaya Legislative Assembly Timothy D Shira ban pynithuh hapoh ka ïing dorbar thaw aiñ. Namar ba u Deputy Speaker ym don ha sor Shillong kila ai ïa kane ka shithi ha u Joint secretary, Meghalaya Legislative Assembly ha kamra treikam u Dy. Speaker.

U Bah Banteidor Lyngdoh Myntri tnad Sports ula ïathuh ba la thaw ia kane ka kynhun ban ïakren bad ka sorkar ïaki jingdon kam ka jylla bad ki jingeh kum ka kynhun ym shuh marwei.

U Bah Hamletson Dohling,Myntri Pynroi Sor ula ong ba ka jingthaw ïa ka UPF ka dei na ka bynta ban pynneh ïaka sorkar MDA kaba ïalam u Conrad K Sangma haduh ba kut ka samoi.