Thaw ki sengbhalang da ka coordination committee ha Nartiang Constituency ban wanrah roi par

Syllad | The Rising MeghalayaApril 20, 2021

Ban wanrah iaka roi ka par jong ka Nartiang Constituency, ka kynhun jong ki hynriew tylli ki sengbhalang ba kynthup iaka Jaintia Students’ Movement (JSM), Jaintia Students’ Union (JSU), Hynniewtrep National Youth Front (HNYF), Meghalaya People United Front (MPUF), Khasi Students’ Union (KSU) bad ka Federation of Khasi Jaintia and Garo People (FKJGP) kila thaw da ka Nartiang Modop Coordination Committee.

Ia kane ka committee la thaw haka sngi ba Ar haka jingiadonlang ki nongialam bad ki dkhot jong kine ki sengbhalang na ka thain Nartiang.

Ka jingthmu ba thaw ia kane ka committee kadei na ka bynta ban iakren iaka eh ka shon ka thain Nartiang bad ban wanrah iaka ka roi ka par hapoh ka thain Nartiang baroh kawei.

Ki mat kiba la buh hakhmat eh ki kynthup ban pynbha iaki skul bad college, ka rep ka riang ban wanrah iaki bank, ki ophis sorkar, ban pynbha iaki PHC bad sub centre bad kiwei kiwei.

Ia kane ka committee yn khlieh da u nongialam ka FKJGP u Wednesday Dkhar kum u chairman ka committee, general Secretary Sylvestre Myria nalor kiwei kiwei ki nongialam sengbhalang kum ki nongai buit bad ki dkhot ka commitee.