Thaw rekod u Mebanker Shullai: Hynñiew sien kum u lahduh haka Badminton Championship ka WJDBA ha Jowai

Syllad | The Rising MeghalayaOctober 24, 2021

U Mebanker Shullai u dei uwei na ki samla uba nyngkong eh ban long u lahduh haduh hynñiew sien haka District Open Badminton Championship kaba pynïaid ka West Jaiñtia District Badminton Association (WJDBA) ha Jowai.

“Ka sien kaba nga la duh ban rah iaka nam lahduh kadei ha u snem 2017 kaba nga la leit ban mihkhmat iaka jylla sha ka National level,” la ong u Mebanker Shullai haba kren bad u syllad.com hadien ba ula jop iaka Men’s Single pyrshah ia u Gregory Passah da 21-11, 21-07 haka jingiakhun phainal kaba long ha Indoor Hall ka Seinraij Jowai ha Tpep Pale haka miet Saitjain.

U Mebanker ula sdang ban khur iaka jingjop kadei naduh u snem 2014.

Kane ka namjop u Mebanker Shullai kan long ka rekod haka history ialehkai ka WJDBA, kaba la lah ban pynlong haduh ka sien kaba 12 bad kane ka kynti kaba mynta.

Wat hapdeng ka jingpynthud bad ka jinghap ban ryngkhi ïaki adong adit COVID-19, ka WJDBA kala pynlong ia kane ka lympung ha ki 4 sngi lynter, kata naduh 18-23 tarik une u bnai bad la wan ban iashimbynta da ki phew phew ngut ki samla bad la sakhi ruh ia kiba bun ki khmat thymmai ha kane ka lympung.

U Wanphai Biang Iakai, uba naka shnong Shangpung uba la leh haka sien kaba nyngkong ha kum kine ki lympung ula khur iaka nam promising player.

Ha kane ka juh ka miet ka WJDBA kala pynbna ba ka Laskein Block Badminton Association ruh kala iasoh (affiliate) bad ka WJDBA na ka bynta ban kyntiew ia kane ka jingialehkai ha Laskein Block.

U Kongsan uba la wan ban sakhi bad sam iaki khusnam sha ki nongjop u dei Ma Phassmon Dkhar, EM Jaintia Hills Autonomous District Council (JHADC) haka jingiadonlang u president WJDBA u ma JM Pohsngap, vice president u ma D Pyrbot, u ma EMH Passah nalor kiwei kiwei.

Results:

Men single50+
U Wanmi Dkhar ula jop da 21-16, 17-21, 15-21 ia u Ambrose Gatphoh.

Men’s Double50+
U Salan Paswet bad u Teddy Laloo kila jop da 21-19, 21-18 ia u Wanmi Dkhar bad u Carmelo Laloo.

Men’s Single 35+
U Dauru Laloo ula jop pyrshah ia u Piterson Lamare da 16-21, 21-18, 21-12.

Men’s Double 35+
U Dauru Laloo & Rimilan Passah kila pynliem ia u Nangebormi Suting & Jlan Kupar Rymbai da 21-12, 21-19.

Mixed Double
U  Mebanker Shullai & Emilanadaka Chyrmang kila jop ia u Nangebormi Suting & Balashembha Passah da 21-06, 21-13.

Men’s Single Open
U Mebanker Shullai ula jop da 21-12, 21- 9 ia u Gregory Passah.

Men’s Double
U Deilang Nongpluh & Burom Lakiang kila jop da 21-11, 21-07 ia u Nangebormi Suting & Demeniv Shullai.