Thaw tnad thymmai ka EJNC ha Sumer
KHLIEHRIAT: Ka East Jaintia National Council (EJNC) kala thaw ïaka tnad thymmai jong ka kaba la tip kum ka EJNC-Sumer Circle.
La pynskhem ia kane ka tnad da u Training Phawa Sport Secretary EJNC-CEC haka jingialang kaba la long ha Committee Hall ka Shnong Samasi, East Jaintia Hills District mynta ka sngi.
La pdiang burom ia kitei ki dkhot thymmai da u Listen Suchen Art & Culture Secretary EJNC-CEC bad ki kyntien sneng kraw da u Mehi Rymbai Assistant General Secretary EJNC-CEC bad na u Nangjan Dkhar General Secretary EJNC-CEC.
U Sambormi Lyngdoh President EJNC haka jingkren ula kyntu iaki dkhot ban don ka jingkitkhlieh naka bynta ka ri bad ka jaitbynriew bad ban long kiba la khreh ban ieng ialeh ha madan thma naka bynta ka dawbah jong ka ri bad ka jaitbynriew khamtam ha kum kane ka por ba ka jaitbynriew ka don hapdeng ka jingma kaba khraw.
Ula ong ka EJNC kadei kawei naki sengbhalang hapoh East Jaintia kaba don hapoh ka shatri jong ka CoMSO ban pyrshah iaka CAA bad ban dawa pyntreikam iaka ILP hapoh ka Jylla.
Ula kyntu ruh iaki dkhot thymmai ban ieng haka nongrim kaba skhem bad ban wanrah ka shongsuk shongsaiñ hapoh ka Jylla.
Ki dkhot EJNC-Sumer Circle kiba la shah pynskhem ki kynthup ia u President-Sakilan Chyrmang, Vice President-Leadingstar Manar, General Secretary-Treibormi Manar, Publicity Secretary-Raju Lamurong, Organising Secretary-Nangroiki Manar, Finance Secretary-Fullmoon Manar bad 32 ngut ki Executive Member.
Facebook
Instagram
Youtube
Twitter
Leave a Reply