Thaw tnad thymmai ka KSU ha Mookjat

Syllad | The Rising MeghalayaJune 10, 2020

Ka Khasi Student Union, Jaintia Hills District Unit (KSU-JHDU) kala thaw iaka tnad treikam ba thymmai ka jong ka ha ka shnong Mookjat West Jaintia Hills haka sngi ba Ar.

Ia kane ka tnad treikam ba thymmai la pynshkem da u president ka KSU, u Ma O Dkhar katba iaka jingialang la pyniaid da u  Hamar Muskut President ka KSU Nartiang Circle.

Ha kane ka sngi la ioh ruh iaka jingkren na u Streamly S Niangti u Executive Members ka KSU CEC hakaba ula aiti ruh iaka riti rreikam ka KSU sha u President ka Mookjat Unit, u Saiki Dkhar

U Incharge ka KSU Nartiang Circle u Shaniahshkem Dkhar haba kren ula ong ba mynta ki samla kila sdang sngewthuh iaka jingeh ka jaitbynriew bad kila sdang mih shakhmat, bun ki samla kiba shim iaka jingkitkhlieh ban iakhun iaka sinew ka imlang ka sahlang kaba ai mynsiem iaka KSU baroh kawei.

Kiwei kiwei kiba kren ki long u Cherity Suja General Secretary ka KSU-JHDU, u L Tariang Organising Secretary KSU-JHDU.

Ki dkhot KSU Mookjat Unit, secretary Shkemlang Suting, Cashberry Dkhar, Hame Nongrum, Aibor Suting, Rihun Dkhar, Deiwi Rymbai, Testbormi Dkhar, Sniawlang Dkhar, chaiñ Dkhar, Chwa Dkhar bad Krait Bhoi.