Thep kyrteng 6 ngut ki kyrtong sha ka election MDC ka JHADC

Syllad | The Rising MeghalayaJanuary 29, 2025

Ki don baroh hynriew ngut ki kyrtong kiba la thep kyrteng ne file nomination haka 29 tarik Kyllalyngkot ha DC ophis na ka bynta ka elekshon MDC sha ka Jaintia Hills Autonomous District Council (JHADC) ka ban long ha ka 21 tarik u Rymphang.

Kine ki kyrtong ki long u President barim jong ka Jaintia Student Union (JSU) Ma Rikut N. Parien, u long u kyrtong ba nyngkong ban thep kyrteng ban iakhun na Saphai Sahsniang Constituency na ka parti Indian National Congress.

U Ma Jesse Suiam uba dei u MDC ba mynta bad kyrtong jong ka NPP na ka 6-Moodymmai Nongkhroh.

U Reformingson Lamare u kyrtong ka NPP na ka 7-Nartiang Wahiajer ka Constituency kaba dang shu thaw thymmai.

Ka Kong Laiawanlam Jinghun Khynriam kaba mihkhmat ia ka Voice of the Peoples Party (VPP) na 9-Mynsoo Nongjngi. U Rudaioo Tang u MDC ba mynta bad kyrtong ka NPP na ka 11-Shilliang Myntang.

Kumjuh u Wendolin Shullai kyrtong shimet na Mukhla-Ummulong.