Thep kyrteng ka Angela Rangad, Kyrsoibor Pyrtuh bad ka Wanpynhun Kharsyntiew

Syllad | The Rising MeghalayaFebruary 2, 2023

Lai ngut ki kyrtong ka KAM ba kynthup ia Kong Angela Rangad, Kong Wanpynhun Kharsyntiew bad Pastor Kyrsoibor Pyrtuh kila thep kyrteng na ka bynta ban aireng ia ka MLA Election jong ka jylla ban long mynta u bnai Rymphang haka sngi Palei.

Ka kong Angela Rangad kan aireng na ka  South Shillong, Ka Kong Wanpynhun na East Shillong bad Pastor Kyrsoibor na North Shillong.

Haba kren bad ki lad pathai khubor hadien ba la dep ban thep ia ka kyrteng, na ka liang I kong Angela kala pynpaw ia ka jingkyrmen ba ka jingjop kan dei hi ka jong u paidbah ban ioh ban kamti biang ia la ki jong ki hok, ka jingshisha ha ka synshar ka khaddar.

Haba phai pat sha ki mat iakhun ha kane ka elekshon, Ka kong Angela kala pynpaw ba ka jingmih iakhun ka jong ki ha kane ka elekshon ka long pyrshah  ia ka bamsap ha ka synshar ka khaddar hangne hapoh ka jylla, kaba la hiar arsut lai sut namar ka jingdon jong kibriew kiba la knieh noh iaka bor ka jong u paidbah ,kiba bamsap bad pyndonkam bakla ia ka bor da kaba leh ia ki kam  ba long beain.

Dei halor kane ka daw ba ka kong Angela ka pynpaw ba ha jylla Meghalaya mynta sngewsih ban ong ba la da hiar haduh katta katta ha ka liang jong ka roi ka par bad lada khmih bniah ia ka jingwad bniah jong ki riew laitluid ka pynpaw ba naduh ka umbam ka umdih, ka iohkam ioh jam  ka pule puthi ka koit ka khiah ka dei kaei kaei kaba la sahdien , kaba hangne kum ka KAM kam banse ban mih shakhmat naka bynta ban pynlong ia u paidbah ban kam nongkynti biang ia kine ki hok baroh.