Thep kyrteng 31 ngut ki kyrtong NPP, UDP, Cong, VPP bad Ind ha Jowai bad Amlarem

Syllad | The Rising MeghalayaJanuary 31, 2025

Haduh 31 ngut ki kyrtong kila pyndep iaka jingthep kyrteng haka 30 tarik Kyllalyngkot na ka bynta ban iakhun iaka elekshon MDC sha ka Jaintia Hills Autonomous District Council (JHADC) ka ban long haka 21 tarik Rymphang.

Kine ki kynthup ia u nongialam ka NPP u ma Thombor Shiwat CEM JHADC na Moodop Umladang uba la pan biang iaka jingkyrshan u paidbah ban jied biang ia u kum u MDC ka thain.

Nalor u ma Thombor, kiwei pat ki kyrtong ka NPP ki dei u Dr. D.I Kjam na Jowai North Constituency, u Bison Roy Iano na Raliang kiba la thep kyrteng ha Jowai. Katba kiba thep kyrteng ha Amlarem ki dei u Wonly L Chyrmang na War East bad ki MDC ba mynta u Het Pohthmi na War West bad u Holando Lamin na War Central.

Ki saw ngut ki UDP ki kynthup ia u MDC barim Ma Rioo Sten, u Waheh shnong ka Namdong B bad nongialam barim ka FKJGP Ma Damian War na 10-Mynsngat Khanduli Constituency, u Fernando Sumer na 13-Saphai Sahsniang Constituency, bad Rimilanki Synnah na 7-Nartiang Wahiajer Constituency.

Na ka Congress, u Richard Singh Lyngdoh MDC ba mynta ula thep kyrteng na Mynso Nongjngi.

Katba ki kyrtong shimet kiba la thep kyrteng ki kynthup ia u Treiborlang R Suchen na War West, Hermon Phawa na Nartiang Wahiajer bad u Niawbait Ymbon na Mowkaiaw.

Thep kyrteng 10 ngut ki kyrtong VPP bad u uwei na ka Congress ha East Jaintia Hills

Ki kyrtong jong ka VPP kiba la thep kyrteng ki long u Yoonwanmi Myria na Nartiang Wahiajer, u Chanbor Rymbai na Moodop Umladang, Kong Darapbiang Mulieh na Mynsngat Khanduli, u Sarlanki Dkhar na Barato Mukroh, u Hameshaniah Suiam na Shangpung, u Iaibatlang Talang na Jowai South, u Nehemaiah Lamare na Mukhla Ummulong, u Clossroy Laloo na Moodymmai Nongkhroh, u Darimi Liang na Shiliang Myntang, u Rumiki Niang na Mowkaiaw, u TZ Dkhar na Raliang, u Gresentus Susngi na Mihmyntdu Nangbah, Dr Samely Shylla na Amwi Khliehtyrchi bad Bah Thiyovan Lapasam na Saphai-Sahsniang.

Katba na Amlarem Sub Division la don lai ngut ki kyrtong ka VPP kiba la thep kyrteng ba kynthup u Isaak Shylla na War East, Batskhem Hayong na War West, bad Jamshaphrang Pohtam na War Central.