Thep kyrteng sa saw ngut kynthup u MLA Jowai ha West Jaintia Hills

Syllad | The Rising MeghalayaFebruary 7, 2023

Ha ka sngi ba khatduh jong ka jingthep kyrteng ki don sa saw ngut kiba thep kyrteng kynthup ia u MLA ka Jowai u Ma Wailadmiki Shylla haka sngi ba Ar.

U Ma Wailadmiki Shylla ryngkat ki nongkyrshan jong u na ki shnong bapher bapher kila mih paidbah na Loom Soo Iung Newhill haduh ban da poi ha DC ophis Jowai ban pyni iaka jingbun paid.

Nalor u Wailadmiki Shylla, uwei pat u kyrtong uba la thep kyrteng na Jowai u dei Allan Keith Suchiang uba la wan thep kyrteng naka tiket BJP.

Na Mowkaiaw Constituency u Currentist Rabon ula thep kyrteng na ka tiket BJP, katba na Amlarem Constituency pat la thep kyrteng u kyrtong ka BJP u Firstborn Manner.

U MLA Jowai ma Wailadmiki haba kren ula kyrpad iaki paidbah ban ailad biang ia u sa shisien ban pyndep iaki projek ba sahteng ka Jowai kynthup ban ioh sdang iaka BEd College ka Jowai.

Ha kaba iadei bad ka Jowai Municipal bad ka ñiut Jowai u Wailadmiki ula ong “Nga dang long MLA tang san snem, ki nongmihkhmat kiba hashuwa 28 snem mynshuwa ki leh aiu.” Ula ong shuh shuh ba lada ym wan jia ka khlam COVID-19, ia kane ka ishu ula ong ba la lah ban pynbeit, hyrnei wat la katta ruh ula kam ba ula shimkhia ban pynbiang iaka tulop bad ki kot ki bor ban pyniaid shakhmat iaka jingtreikam ka Municipal kaba don haka coma ne ka tnad bym treikam.

Kumban shuh pynkynmaw ka kam bret ñiut ha Jowai kala wanrah iaka jingiakhih ki nongialam shnong hapoh ka synjuk waheh shnong bad kila mudui ruh da ka mukotduma sha ka iing bishar, kaba iing bishar kala bthah iaka bor synshar district bad ka municipal ban pynthikna ban khat iaki ñiut na sor Jowai katkum ki kyndon ba iadei bad ka mariang.

Ka jingkylli uba bun ba lang iaki ñiut kiba la khar na kylleng ka sor Jowai shano la bret ne kit. Ym don ba tip namar ba la shu leh sop sop ba wat ki nongniah kali khat ñiut ka Jowai Municipal ruh kim don jingtip shano la bret ia ki ñiut kiba la pynkhuid na Jowai.

Ki trok kit ñiut ka Jowai Municipal board hadien bala dep lum lang iaki ñiut na iew bad na ki longiing bapher bapher kila leit pynhap ha kawei pat ka trok ha Ladthadlaboh Riatmoolain. Kane ka trok ka kit pat iaki ñiut bad leit bret sha ka jaka kaba ym don ba tip da mano mano.