Thep kyrteng u Myntri Kam Pohiing bad u MLA barim ka Amlarem

Syllad | The Rising MeghalayaFebruary 6, 2023

Arngut ki kyrtong ba paw ka 7-Amlarem Constituency kiba kynthup ïa u MLA ba mynta bad Myntri kam Pohiing u ma Lahkmen Rymbui bad MLA barim ma Stephan Mukhim ki la wan thep kyrteng hakhmat ka Returning Officer Sub-Division Officer, Amlarem haka sngi Nyngkong.

Ha kane ka jingthep kyrteng la wan nyngkong eh da u MLA ka thaiñ uba dei u kyrtong UDP u Ma Lahkmen Rymbui. Hadien pat la wan thep kyrteng u MLA barim ka thaiñ u Stephanson Mukhim na ka party NPP.

Ïa kine ki arngut ki kyrtong la wan synrang da ki nongbud bad kiba bun bah ki nongkyrshan jong ki, kiba la risa kynhoi lynter surok haduh ban da poi ha phyllaw ka SDO ophis.

Uwei pat u kyrtong udei u Alban K. Gashnga uba la wan thep kyrteng ban ïakhun naka seng All India Trinamool Congress (AITC).