Ther kylla ka KSU ia u CEM JHADC ba kynnoh bam armaloi iaki paid khappud

Syllad | The Rising MeghalayaJuly 22, 2021

Ka Khasi Students’ Union (KSU) Lapangap Unit haka sngi Palei ka la ther kylla ia u Chief Executive Member (CEM) JHADC ma Thombor Shiwat halor ka jingkynnoh ba bam armaloi ki paid khappud ha West Karbi Anglong District, Assam bad West Jaintia Hills District, Meghalaya.

Kane ka jingkynnoh u CEM ka JHADC ka long haka jingai jingkren jong u haka Dorbar Lyiur kaba la long ha ka 22/07/21 ha kaba ula pynpaw iaka jingbitar ba don ki briew jong ka thaiñ border ki bam armaloi

Na ka liang u General Secretary ka KSU Lapangap Unit, u Saikial Sumer u la ther tyngeh iaka jingkren khlem nongrim jong u CEM ba kumno u nang tang ban batai stad haba ym ju hiar sha ki thain border area shisien ruh naka bynta ban peit bad jngoh iaka jingeh ki paid khappud kumba leit jngoh ki MAC (Member of Autonamous Council) ka KAAC na Assam kiba leit jngoh bad leit hiar man ka por sha khappud.

Ka long kaba sngew lyngoh bad sngewphylla kumno u briew ba shong bam kwai tang hapoh kamra ophis u nang ban batai stad katba iaka jingeh sha thaiñ border um ju don ka jingbah khlieh shisien ruh lait tang ki sengbhalang.

Shuh shuh u General Secretary ka KSU Lapangap Unit ula kynnoh ruh ia u CEM da kaba ong ba haka por ba don ka jingkhajia pud ha Psiar bad Moolaber u ma Thombor Shiwat u la kren shai ba wat tang shi inchi ka jaka ba hap hapoh ka jingpeit jong ka JHADC kam dei ban leit sha Assam, kine ki jingkren pynbiej paidbah kim iahap shuh haka juk shai mynta.

Ula ong ruh ba u CEM u dei ban pynshai kiei kita ki shnong ba don kti haka bam armaloi lada ym lah ban pynshai kamut ba u dei u nongialam tieng eit

Ka KSU Lapangap Unit kadei ka tbad treikam kaba don sha ki jaka ba khajia bad ka Assam ka buh ia u dak jingkylli baheh ia u CEM, balei haba ka khlaw jong ka tnad Forest jong ka District Council kaba don ka Khanduli kaba la die lilam (Auction) hakine ki snem ba lah lah naka bynta ban pom dieng, ka la shah khang haka Assam haba ka District Council ka don iaki kot ki sla kiba biang ruh.

Ther tyngeh u Ma Thombor Shiwat iaka jingbam ar maloi ki shnong Border Assam Meghalaya

Ula Saikila ula kynthoh, hato ymdei ka JHADC mo ba bam ar maloi, kumno ka jaka khlaw jong ka JHADC katba ban pyndonkam pat ymlah shah khang pynban haka Assam, hato balei ka JHADC kam don bor ban leh eiei halor katei ka jingkhang ka Assam? Hato ki nongialam ka JHADC kim tip tikna mo ba katei ka dei ka jaka jong ka bad balei ki ailad iaka Assam ban khanglad iaka jingpom dieng haka jaka ka JHADC?.

Nalor ba phi don ka waitlam ha kti dang shah knieh ki jaka haka sorkar Assam, hato ka don jingmut mo ban bat iaka waitlam haka kti lada phim nud ban mait iaki nongshun?