Ther tyngeh u MLA ka Jowai ia u nongialam ka VPP ba kynnoh leh thok ha ki jaka ba rem elekshon
U MLA ka National People’s Party (NPP) na Jowai u Bah Wailadmiki Shylla ha 3 tarik Lber u la ther tyngeh ia u nongialam ka Voice of the People Party (VPP) u Bah Ardent Basaiawmoit halor ka jingkynnoh ba ka jingpynlong ia kane ka elekshon kaba dang shu dep hapoh Jaintia Hills Autonomous District Council (JHADC) kam long kaba iaid beit iaid ryntih.
“Ka long kaba sngewsih ban iohsngew na u nongialam ba rangbah ba ha ki jaka kiba ki jop, ka jingpynlong ia ka elekshon ka long kaba iaid beit iaid ryntih, hynrei ha ki jaka kiba ki shah rem kam long kaba iaid beit iaid ryntih,” ong u MLA ka Jowai haba kynthoh kylla halor ki jingkynnoh jong u Bah Ardent ha ka por ka jingiatai halor ka jingkren jong u Lat hapoh ka iingdorbar.
Ka NPP ka la don haduh 13 seat ha kane ka elekshon ha JHADC katba ka VPP ka la jot tang 8 seat.
Haba pynpaw ba ki paidbah ka Rilum Jaintia ki la ai ia ka rai kaba shai, u Bah Shylla u la ong ba ki bor pyniaid district bad ki bor pulit ki la trei shitom ban pynthikna na ka bynta kane ka elekshon kaba iaid beit iaid ryntih.
Watla katta u la ong ba ka dei ka rukom ia ki party kiba shah rem ban kynnoh ia ki EVM bad kiwei pat.
Facebook
Instagram
Youtube
Twitter
ong ia u Ardent u phah Resign u ki ki VPP MDC waroh 8 Ngud…ym toh u Klam Beiñ u Kamni.
Ka Jiañtia Hilks Didtrict..To ia pyrkhat ia ini da wara u ni Nongialam Khleh NiamKhleh Politic.