Ther u lapbah, twa kynroh bad julor ki kali ha Jowai

Syllad | The Rising MeghalayaMay 25, 2020

Ka jingwan ther u lapbah baroh shisngi hadien bala syllad ka eriong Amphan kala wanrah ka jingtwa ka kynroh haka shnong Khliehiongriang, Jowai mynta miet.

U Waheh Shnong Khliehiongriang, u ma Kermi oo Ladia ula iathuh ba kane ka jingjia kala jia haka por 7 PM ha kaba kynroh jong ka lumtep jong ka Balang Church of God kala twa bad kala ban ia kawei ka kali pick up kaba don u registration numer ML04C1475.

Ha kane ka jingjia kam don kano kano ka jingmynsaw iano iano.

Shuh shuh ha kine ki khyndiat sngi kala don ka jingtwa khyndew ha Caroline Colony bad ha Iawmusiang hadien ka iingmane CNI. Namar ka jingsam lyngba ka um kala wanrah ka jingjulor ki surok ha Ladthadlaboh na ka jingtuid ka umsaw bad ha kiwei kiwei ki jaka.