Ther u ma Vincent Pala iaka VPP ba iasyriem ka rukom treikam bad ka BJP ba khleh niam bad politik

Syllad | The Rising MeghalayaJanuary 14, 2025

U nongialam ka Congress ha Jylla, u Ma Vincent H Pala haka 14 tarik Kyllalyngkot u la ther tyngeh iaka Voice of the People Party (VPP) halor ka jingkynnoh ba kala shim iaka buit treikam ka Bharatiya Janata Party (BJP) da kaba pynkhleh lang iaka niam bad ka politik.

Ula ong ba rukom treikam jong ka Seng Voice of People Party (VPP) ka ïasyriem bad ka Seng Bharatiya Janata Party (BJP) namar kine ki ar tylli ki party ki ialap bad iakhun elekshon halor ka ishu Reservation ne bhah kyrpang haka thungkam thungjam bad ha ka jingngeit niam.

Haba kren shuh shuh hadien bala wai jingialang ingialang bala pynlong ha CTC Orchid Inn Thadlaskein ban pynithuh ia ki kyrtong jong ka Congress Party ban iakhun ia ka elekshon MDC shaka JHADC, u ma Pala ula ong “haba phi leit shong bad sngap ia ki jingkren ki nongialam ka VPP ha ki jingialang jong ki, phin sngew kumba phi shong ha ka jingiaseng ym kum ka jingialang politics.”

Ha ka jylla Meghalaya ki bun bha ki jait niam kum Hindu, Kristan, Muslim bad ki jingngeit tynrai kum ka Niamtre bad niam Khasi kumta ym dei ban pyniakhleh ia ka niam bad ka politics, ong u ma Pala

U la ong shuh shuh ba ki briew kiba pyndonkam iaka niam ha ka politics ki long kiba ma bha bad u la ai nuksa kum ka Pakistan kum ki Hamas kum ki Syria bad kiwei de ki jop hynrei ka jingjop jong ki kam ju neh slem.

Haba phai sha ka elekshon MDC, u President MPCC u la ong ba ka party ka la pynieng kumba 17 ngut kyrtong na JHADC bad na ka liang jong u, u khmih lynti ba ka party kan jop bun seat namar ba ki briew ki la ngiah ia ka Sorkar namar ym ju don briew ha ka District Council namar ba kim ioh tulop bad ia ki kot ki sla la shu manipulate namar bym don nongtrei.

U la ong ba kí briew ki la sngewthuh ba dei tang ka Congress kaba lah ban ai ka jingsynshar kaba bha namar ki parti rit ki lapmiet tang ban shu ai ki jingkular kiba heh baheh.