Ther u phria ba heh kat u marble ha Wahiajer bad ki shnong ba marjan

Syllad | The Rising MeghalayaApril 14, 2021

U slap ryngkat u phria ula wan ther tyngeh haka sngi Balang haka por 2:30 baje nohphai sngi haka shnong Wahiajer bad kiwei ki shnong ba marjan kiba hap hapoh ka Thadlaskein Block, West Jaintia Hills District.

Kane ka jingwan hiar u slap kala wanrah ka jingshlei um ha ka wah Myntang bad julor ruh ki mar rep kava kynthup iaki iaki soh ki pai bad ki jjhur ki jhep bad kiwei kiwei ki jingthung jingtep.

U ma Kmen Shylla Waheh Shnong barim ula iathuh ba u phria bad u slap kila ther naduh na Mukhla ter ter shaduh Wahiajer bad ki shnong ba marjan. Ula iathuh ba ka jingheh phria ka long kat u marble heh ba ju ialehkai ki khynnah.

Ula ong ba haduh mynta um pat ioh kano kano ka jingtip ha kaba iadei bad ka jingjulor ki jingtei ne ki ïing, hynrei ki jingthung jingtep bun kila julor.