Ther u phria julor bun tylli ki tnum iing ha Lapangap

Syllad | The Rising MeghalayaApril 21, 2020

U slap ryngkat u phria ula wan ther tyngeh mynta ka sngi ba Ar haka por 12.00 baje nohphai sngi haka shnong Lapangap, ka shnong kaba don khappud Assam bad Meghalaya.

Haba iakren bad u Waheh Shnong ka Lapangap u Ma Deimonmi Lyngdoh ula iathuh ba kane kadei ka sien kaba ar ba u phria ula pynjulor ha kane ka shnong kata haka 23 tarik Rymphang.

Mynta ka kynti u phria u long uba khamjur bad la wanrah ka jingjulor ia kiba bun tylli ki longiing longsem haba bun tylli ki tnum iing kiba la sop da ki tin ki la shah pynjot bad pei lut ki tnum.

Ymtang kata ula iathuh ruh ba ka um slap kaba la ioh ban rung shapoh ka iing na ka jingpei ki tin ba la tap hajrong tnum ka la pynjulor ruh iaki khaw ki kba ki mar ki mata kiba don hapoh iing.

Also Read | Lute bad pyniap ki runar ia u wei ha Daistong

Also Read | Syllad ka eriong, julor phom 8 tylli ki ïing ha Nongjngi

Haba pyrshang ban kylli halor ki jingshah ktah jong ki iing, ki jingthung jingtep nalor kiwei u Ma Lyngdoh ula ong ba haduh mynta ym pat lah ban ioh iaka jingkhein kaba pura.

Ula kyntu iaki bor sorkar ban shim khiah ia kane ka kam da kaba ai jingiarap iaki nongshong shnong khamtam ha kum kane ka por.