Thombor bad rung jubor ki shipai ha iing briew ryngkat ki tiar mynsaw ha EJH
Ki shipai Border Security Force (BSF) haka shiteng synia jong ka 20 tarik Jylliew kila phrung jubor ha ïing briew ryngkat ki tiar pynmynsaw bad thombor ia u Rangbah bad ki kynthei haka iing sah jong ki ha East Jaintia
La kynnoh ba kine ki shipai BSF khlem kino kino ki daw bad ki sakhi satar kila phrung jubor ha ka iing ka Longkmie bad kila bom shoh ia u lok jong ka ha ryngkat ka jingkren ia ki ktien kiba ym lah ban pdiang satia, kum ki briew kiba bat iaka aiñ.
Katkum ka ki dur video kiba la saphriang la sakhi ba ki shipai BSF ryngkat u sdie bad ki dieng kila rung ha katei ka iing bad thombor ia une u rangbah. Kiba haiing jong u kynthup iaki kynthei kila pyrshang ban ialeh bad kine ki shipai bad hadien pat kine ki shipai kila phet noh.
Halor kane ka jingjia na kaliang ka dorbar shnong Kuliang kala pynrem jur iaki shipai BSF kiba rung jubor bad thombor iaki kynthei khynnah bad ki nongshong shnong khlem kino kino ki daw. La ong ruh ba u ne u rangbah ula mynsaw na ka bynta ka kjat bad um shuh tang ban iaid bad ieng.
U secretary shnong Kuliang u ma Perwon Nongpluh haba kren lyngba ka phone ula ong ba kiba haiing ha ryngkat bad ka shnong kila leit mudui jingujor ejahar ha Umkiang Police Patrolling Post ban ujor pyrshah ia kine ki BSF kiba phrung jubor ha iing jong ki bad thombor iaki khlem kino kino ki daw.
Facebook
Instagram
Youtube
Twitter
Leave a Reply