Thombor ki runar iaka jaka thep vote ha Wapungskur, pynpait pra iaka EVM

Syllad | The Rising MeghalayaFebruary 21, 2025

Haka jingjia kaba ym shym la poi pyrkhat ki briew kiba ym lah satia ban ithuh dur khmat ialade kila thombor iaka jaka thep vote ha Wapungskur, East Jaintia Hills District bad pynpait pynpra iaka kor EVM haka 21 tarik Tarik Rymphang.

Kane ka jingjia kala jia haka por kumba 11:30 AM ha ka jaka thep vote kynthup jaka thep vote ki shynrang bad kynthei.

Ka bor pyniaid district jong ka East Jaintia Hills District kumjuh ka tnad pulit kila hiar mar mar sha kane ka shnong ban tem iaka jingjia bad ban lait mih ki jingklumar.

Naduh u Deputy Commissioner Shivansh Awasthi, U Superintendent of Police Giri Prasad, bad ka kong JU Kharpuri kaba long ka Additional Deputy Commissioner bad Returning Officer kila hiar sha kane ka jaka ban shim jingkhein bad la hap ban pynsangeh iaka jingthep vote.