Thud ka iaid ka ieng ki kali ba twa khyndew haka surok National Highway 6 ha East Jaintia Hills

Syllad | The Rising MeghalayaMay 12, 2022

Ka jingther u lap bah ba jur kala wanrah ka jingtwa khyndew haka surok bah National Highway 6 bad kane ka jingtwa khyndew kala wanrah ka jingsahkut kali kaba jur mynta ka sngi Palei.

Kane ka jngjia twa khyndew kala jia haka por 7 baje mynstep ha Lad Brishyrnot, East Jaintia Hills District.

Kane ka jingtwa khyndew ha kane ka surok kala pynthut ïaka ïaid ka ïeng ki kali ba wan ba leit na Shillong, Jowai, Silchar bad kiwei kiwei ki jylla.

Haduh bala thoh ïaka khubor ka jingsahkut kali ka dang jur bad ka bor pynïaid district jong ka East Jaintia Hills ruh kala shimkhia ban pynkhuid bad weng ïaka khyndew ba la twa haka surok.