Thud ka jingthmu pynim iaka Wah Lukha naka khlam COVID-19

Syllad | The Rising MeghalayaNovember 19, 2020

Ka 6 Shnong Wah Lukha Association ha ryngkat ki bor pyniaid jong ka District East Jaintia Hills ha ka 16 tarike une u bnai ka la leit jurip biang ia ka jaka ban pynbha bad ban pynim biang ia ka Wah Lunar-Lukha kaba don hajan shnong Khaddum, East Jaintia Hills.

Ha kane ka jingleit jurip  na liang ka District Administration la mihkhmat u Additional Deputy Commissioner SS Syiemlieh katto katne ngut ki nongtrei na ka Tnad PHE (Electrical), bad la iadonlang ruh ki nongialam bad ki dkhot ka 6 Shnong Wah Lukha Association .

Na liang u SS Syiemlieh u la ong ba ki kam baroh ki laid shakhmat ha ka ban pynim bad pynim ia kane ka wah hynrei na ki daw ba don ka Lockdown ka la pynthut noh ia ki kam baroh, hynrei u iathuh pat dang ha kine ki taiew ba la dep ki lah dep shong meeting bad ka organisation kaban pyntrei ia kane ka kam bad u la ong ba ha kine ki khyndiat sngi ki Scientist kin wan noh shane sha jylla jong ngi na ka bynta ban leh wut wut noh ia kane ka kam.

Ba ai pisa DMF ban pynim ïaka Lukha, rai ka 6 shnong ban nym pyrshah pynheh par mawshun ka Star Cement

Na liang u President 6 Shnong Wah Lukha Association ka Bah Womsar Talang u la sngew nguh shi katdei ia ka District Administration ba ki la trei shitom na ka bynta ban pyntrei noh ia kane ka kam. U la ong ruh ba nangne shakhmat ruh a seng kan dang iai buddien ia kane ka kam bad ban pyntikna ruh ba ka Wah Lukha kan im bad khuid ha ki snem ban wan.

U Secretary ka Association ma Daiapherbha Lamare, u la ong ba kum ki nongialam ka Association kim juh shong kli kti,  ki buddien ia kane ka kam na ka por sha ka por naduh ki por jong u Deputy Commissioner barim FM Dopth bad haduh mynta ruh naduh ba wan u DC Thymmai ki dang iai buddien ia kane ka kam. Bad u la iathuh ruh ba ia ka Expression of Interest (EOI) lah dep leh bad ia kane ka kam yn pyntrei da ka Trinity Impex International New Delhi (Scientist Organisation)  bad ki lah test bad shim lut ia ka sample jong ka um na kane ka wah bad ki la rai ban thung da ki algae (jingthung)  ha kane ka wah bad une u algae un pynkhuid ia ka Wah hapoh 3-6  bnai. Bad u la ong ruh ba na liang ka seng ka khmih lynti ba kane ka pilot project kan long kaba seisoh khnang b aki briew kiba shong harud kane ka wah kin ioh jingmyntoi na kane ka wah Lukha.

Wat hadien ba khang tih dewiong dang shyrkhei ka um Acid ha Wah Lunar

Kumban shu pynkynmaw ba ka sorkar lyngba River Rejuvenation Committee kala buh ka thong ban pynim ïaka Wah Umkhrah ha Sor Shillong bad ka Wah Myntdu bad ka Lukha ha Rilum Jaiñtia.