Thung baji ka bos ba kit shipai BSF ha Umtyra, khlad uwei mynsaw 22 ngut
KHLIEHRIAT: Kawei ka bos kaba kit ïaki shipai BSF kala thung baji sha riat kaba jrong kumba 100 phut haka shnong Umtyra, East Jaiñtia Hills District hynne ka nohphaisngi.
Kane ka jingjia kala jia haka por kumba 3:30 baje nohphai sngi ha kaba katei ka bos kaba shim wai ki shipai BSF kaba don u registration number AS 05 C 2034 kaba la her sted bha kala iaid lait iaka surok bah bad noh sha riat kaba la wanrah ïaka jingmynsaw jur haduh 20 ngut ki shipai BSF jong ka 93 BN ‘A’ Coy bad ki nongniah ka bos ar ngut bad u handyman.
![](https://www.syllad.com/wp-content/uploads/2024/09/JIT-Vacancy-823x1024.avif)
U Bah Lakador Syiem, Incharge Superintendent of Police East Jaiñtia Hills District, ula iathuh baroh kiba mynsaw la pynkit sha Khliehriat CHC ban ïoh ïaka jingsumar. Hadien la pynkynriah sha ïa ki 20 ngut ki shipai BSF bad 2 ngut ki nongniah katei ka bos sha NEIGRIHMS.
U Handyman pat uba la tip kyrteng kum Jogto Gogoi ula khlad noh na ka jingmynsaw ha Khliehriat CHC.
U Bah Lakador, ula pynpaw ka jingsngewnguh ïaki doktor bad nongtrei ka Khliehriat CHC kiba la shimkhia ban pynïoh jingsumar mar mar ïaki shipai kiba la iakynduh ia kane ka aksident, kumjuh ruh ula ai khublei ïaki ambulance sorkar bad sengbhalang bad Dorbar Shnong bad ki kharkhana dewbilat kiba shimkhia ban pynioh ïaki lad jingïarap.
Leave a Reply