Thung baji ka kali ha surok ha Iongnoh, khlad u Dr Shylla lait im i khun

Syllad | The Rising MeghalayaDecember 7, 2022

Uwei u Doktor ula khlad na ka jingjia aksident kali kaba la jia hynne ka nohphaisngi shuwa ban poi ka shnong Iongnoh, West Jaintia Hills District.

Une u doctor u dei u Dr Sanjoy K Shylla udei uba na ka shnong Wahiajer bad u trei Khliehriat Civil Hospital.

La iathuh ba kane kali kaba u niah ka dei ka Mahindra XUV 300 kaba don u registration Number ML 05 X 4578 kala hap shabar ka surok kaba twa ha ki bnai lyuir shuwa ban poi ka shnong Iongnoh. Ha kane ka jingjia i khun jong une u doktor iba dang 2 snem ila lait im.

Kane ka jaka ba hap ka kali ka dei kaba bynta kaba twa ka surok. La iathuh ba ka tnad PWD kala shu ieh ia kane ka surok khlem buh kino kino ki dak ki shin ba pyni iaka jingma ka surok ha kane ka jaka ba twa surok bad kane ka kali kala liat bad hap shabar ka surok kaba la wanrah ia kane ka jingjia kaba sngewsih.

La iathuh ba ki pulit kila shimti iaka met bad la kit sha Jowai Civil Hospital, Ialong ban pyndep iaka jingdonkam jong ka aiñ.