Thung dieng ka Dorbar Shnong Panaliar ha Syntu Ksiar

Syllad | The Rising MeghalayaJune 6, 2019

JOWAI: Ka Dorbar Shnong Panliar kala ïasnohktilang bad ka mission jong ka sorkar jylla ‘One Citizen One Tree Campaign’ bad kala pynlong aka jingthung dieng naduh u Mot Kiang Nangbah bad ha ki lynti ki syngkieng kaba don ha shilynter ka Syntu Ksiar.

Hashuwa ban thung dieng la don ka jingialang kaba lyngkot kaba pyniaid da u Waheh Shnong u Ma Riquoma Rq. Laloo haka jingiadonlang u Ma Kerlang Siangshai, Fishery Officer,West Jaintia Hills District, U Bah MJ Kharbudon, Range Officer, Social Forestry, EJHD, u General Secretary Panaliar U Ma Careme Phawa bad kiwei kiwei ki riew rangbah.

U Ma Sajay Laloo u nongshong shnong ka shnong Panaliar ula ai sngewbha 2000 tynrai ki dieng ban thung ha katei ka jaka.

Ka Rotary Club Jowai, ka Jaiñtia Fishing & Environment Society, ki khynnah skul ka Panaliar bad ka Loompyrdi Iongpiah, Jowai ruh kila iashimbynta ha kane ka jingiathung dieng.