Thung dieng ka ka KVK & CAU hapoh ka campaign ‘Ek Ped Maa ke Naam’ ha West Jaintia Hills

Syllad | The Rising MeghalayaAugust 30, 2024

Kum shi bynta ka jingleh burom iaka sngi kaba tip “एक पेड़ मां के नाम’ ne uwei u dieng na ka bynta ka mei mariang, ka KVK Jaiñtia Hills ryngkat ki samla pule ka Central Agriculture University, Kyrdemkulai haka 28 tarik Nailar kila pynlong ka jingthung dieng ha phyllaw ka KVK kaba don ha Wahiajer, West Jaiñtia Hills District.

U Myntri Rangbah duh ka Ri India u Nerendra Modi ula plie paidbah iaka Global Campaign #एक पेड़ मां के नाम #Plant4Mother haka sngi lehkmen iaka World Environment Day haka 5 tarik Jymmang 2024.

Kane ka Campaign jong ka Ministry of Environment, Forest & Climate Change kala pynbna ban thung haduh 80 klur ki dieng ha kylleng ka ri hapoh u bnai Nailur bad yn thung 140 klur ki dieng haduh u bnai Lber 2025.

Ka Ministry of Environment, Forest and Climate Change kala sdang ban thung dieng ha Asola Bhati Wildlife Sanctuary haka 20 tarik Jymmang 2024 ban burom iaka mei mariang.

Nalor kata kum shibynta kane ka Campaign, ka Ministry of Agriculture & Farmers Welfare kala pynlong iaka #एक पेड़ मां के नाम #Plant4Mother campaign haka 29 tarik Nailar 2024 haka jingdonlang u myntri ka tnad Agriculture ka sorkar India.

Hapoh kane ka program, ka Ministry kala buh iaka “Matri Van” haka jaka kaba heh 1 acre ha IARI campus ha kaba u myntri ka tnad Agriculture bad ki ophisar bad ki nongtrei ka tnad Ministry kin thung iaki dieng.

Ka jingthung dieng haka 29 tarik Nailar ka sdang naduh ka por 10.00 baje mynstep ha IARI campus, Pusa, New Delhi.

Baroh ki ophis DA&FW, ICAR, CAUs, KVKs bad SAUs kiba don hapoh ka ri kin pynlong iaka prokram thung dieng kaba kum kane hala ki jong ki jong ki jaka ha kajuh ka sngi bad ka por.

La khmih lynti ba palat 800 tylli ki jaka pule kiba hap hapoh ka tnad Ministry of Agriculture and Farmers’ Welfare kin iashim bynta ha kaban thung dieng haduh 3000-4000 tylli ki dieng. #क पेड़ मां के नाम #Plant4Mother ka dei ka jingshim bynta jong ki paidbah bad ki briew da kaba ai burom ïa la ka kmie bad ka kmie khyndew da kaba thung dieng.

Haka ka rep ka riang, ka jingthung dieng ka long ka sienjam kaba kongsan ban ioh ia ka rep ka riang kaba neh. Ki dieng ki iarap ban kyntiew ia ka jingmih ha ka lyngkha da kaba pynbha ia ka khyndew, ka um bad ki jingthaw ba im. Ki dieng kin ai ruh ia ka lad kamai kaba kham bun ia ki nongrep.