Thung dieng ka Rotary Club Jowai bad Shillong ban pynjyrngam iaka mariang

Syllad | The Rising MeghalayaSeptember 11, 2021

Ka Rotary Club Jowai haryngkat ka Rotary Club Orchids City Shillong haka sngi Saitjaiñ ki la pynlong ka jingthung dieng ha St. Paul Secondary School, Mookaswan, West Jaintia Hills District.

Kane ka jingthung dieng ka long shi bynta ka project Hariyali-Trees for Future kaba la kyrshan da ka Mahindra Finance.

Hashwa ka jingthung dieng la pynlong ïaka jingïalang lyngkot ba la pynïaid da u president ka Rotary Club Rtn. SK Lato haka jingdonlang ki dkhot ka Rotary Club na Jowai bad Shillong.

U Vivek Kumar Secretary Rotary Club City Shillong uba long ruh u Project Chairman Hariyali haka jingkren ula ïaroh ïaka Mahindra Finance kaba la synñiang da ki dieng bad bynrap ruh ba ki dieng kidei kiba donkam tam namar ki shu ai ei ïa u khun bynriew ïa ka lyer khuid ban ring mynsiem.

Ula ïathuh ba ka Rotary Club of Orchid City Shillong ka la shimkhia bha ban thung ïaki dieng ha kylleng ka ri Khasi bad Jaintia.

U Rtn. Vincent H. Darlong Vice Chancellor ka Martin Luther Christian University uba long u kongsan, ula pynsngew ba ka jingdon ki dieng ka ïarap ban pynmih ïaka lyer bad ka pyni tynnad ïaka mariang.

Ula kyntu ïaki nongshong shnong ban thung ïa ki dieng bad sumar sukher ruh ïa ki.

Ula ïaroh ïaki bor pyniaid jong ka skul St. Paul Secondary School kiba la pynlong ïaka jaka kaba itynnad da ka jingdon ki dieng ki siej.

Kiwei kiwei kiba la ai jingkren ki long u Rtn. James M Pohsngap, u A. Khonglah uba uba mihkhmat ïaka Mahindra Finance bad u Rtn. Anthony War.