Thung dieng ka shnong Chilliangraij ha Wah Myntdu

Syllad | The Rising MeghalayaJune 7, 2021

Ban iasnohkti lang haka jingrakhe iaka World Environment Day, ka Dorbar Chnong Chilliangraij, Jowai ryngkat ka Social Forestry, West Jaintia Hills kila pynlong iaka jingthung ha Lahong, ka bynta jong ka wah Myntdu.

Ha kane ka jingthung dieng la iadonlang naduh ki nongialam shnong ka Chilliangraij, u B.Sana, Forester Social Forestry.

U Orilan Shylla, Assistant General Secetary haba kren u la iathuh ba kum ki nongshong Shnong na ki por sha ki por ki la ju leh shibun ki kam ha ka jingiadei ban pynmiat pynbha bad pynneh pynsah ia jingitynnad ka mariang, kumta u khot bad wer ia ki para nongshong shnong ba kin shimkhia ban peit bad sumar ia kine ki dieng ba la thung khnang ba kin long pat ka jingkyrkhu ha ki por ki ban sawan namar ka jingdon jong ki dieng ba jyrngam ka iarap shibun na ka bynta ban pynioh ia ka lyer ba khuid ban ring bad pynhiar mynsiem.