Thung ka Sorkar ia u Bah Nongpluh kum u dkhot ka MHRC

Syllad | The Rising MeghalayaSeptember 25, 2024

Ka Kynhun Myntri ka Sorkar Jylla ha ka 25 tarik Nailur ka la mynjur ban thung ia u heh ophisar IPS ba la shongthait u Bah H Nongpluh kum u non-judicial member ka Meghalaya Human Rights Commission (MHRC).

Haba kren sha ki lad pathai khubor, u Myntri Rangbah ka Jylla u Conrad K Sangma u la ong, “Hadien ka jingshongthait noh jong uwei na ki non-judicial member hapoh ka MHRC, ngi la thung ia ka Selection Committee ba la khlieh da u Myntri Rangbah kaba la tyrwa ia ka kyrteng jong u Bah H Nongpluh, IPS ba la shongthait ban shimti kum u non-judicial member hapoh ka MHRC.Ia kane ka jingtyrwa la aijingmynjur da ka kynhun Myntri.”

Nalor kata u la pyntip ruh ba ka kynhun Myntri ka la ai ruh ka jingmynjur ia ka jingai jingmut jong ka Committee ba la khlieh da u Chief Secretary halor ka jingthung ia u Lt Col Sebastian Marbaniang kum u Ophisar ka Zilla Sainik Welfare, Shillong.

Shuh shuh ka kynhun Myntri ka la mynjur ruh ia ka list ne thup jong ki shuti na ka bynta u snem 2025 ia kaba la wanrah da ka Tnad GAD.