Thung ka Sorkar iaka Agatha K Sangma kum ka Chairperson bathymmai ka SCPCR

Syllad | The Rising MeghalayaSeptember 7, 2024

Ka sorkar Jylla ka la thung ia ka National Vice President ka NPP kaba dei ruh ka MP barim ka Tura ka Agatha K Sangma kum ka Chairperson bathymmai ka Meghalaya State Commission for Protection of Child Rights (MSCPCR).

Haba pynbna lyngba ka rynsan X u hymmen jong ka uba dei ruh u Myntri sorkar barim u James K Sangma u la ong, “Nga ai ka jingkhublei ia ka para baieid jong nga ka Agatha K Sangma halor ka jingshah thung kum ka Chairperson ka State Commission for Protection of Child Rights”.

Kumjuh na ka liang ka seng NPP ruh haka 7 tarik Nailur ka la ai ka jingkhublei halor kane.

“Ngi ai khublei ia ka National Vice President Smt. @AgathaKSangma halor ka jingshah thung kum ka Chairperson ka MSCPCR. Kumba phi la shim ia kane ka kam kaba kongsan bha, ngi kitbok kitrwiang iaphi ba phin nang jop ha ki jingpyrshang ki jong phi ha ki por ki ban wan,” la ong ka seng lyngba ka rynsan social media.