Thung kam sop sop ka JHADC

Syllad | The Rising MeghalayaJanuary 28, 2019

JOWAI: Ki artylli ki sengbhalang ka Rilum Jaiñtia ka JSU bad ka HYC Jaiñtia Hills District ki la lap bad sakhi ïaka buit sainti jong ka JHADC halor ka jingthmu jong ka ka Executive Committee hapoh ka jingïalam u MB Rymbai CEM, JHADC ban thung kam sop sop ha ki ba bun tylli ki post hapoh ka JHADC khlem kano kano ka jingpynbna paidbah.

Kine ki arseng kila kynnoh ba kadei shabar ka budget tang ban pynbieit ïaki paidbah bad ban khring ïaki nongthep vote tang namar bala jan ka Election MDC 2019.

Ki nongialam jong kine ki ar seng; u Lawyerson War bad Mewot Suchiang ki la  pynpaw ïaka jing lyngngoh ba ïaka interview kaba la thmu ban pyndong ha MDC hostel la pynkynriah noh sha Khliehtyrshi Secondary School tang shi kynta ha dein bala ïoh jingtip kine ki ar seng bad la pyndep ïaka interview tang khyndait por tang mar sein wan ki nongialam kine ki ar seng ha Khliehtyrshi.

Kine ki seng kila pynpaw ka jingbynñniaw bad buh jingkylli ba kumno ka konsil kaba don hapdeng ka jingkyrduh Pisa kaba shyrkhei ha kaba wat tang ban siew tulop ïaki nongtrei jong ka ruh kam lah ban siew man la ka bnai hynrei ka dang thung kam sop sop dakaba iaid lait ruh iaka Council service  Rule 1981 chapter IV.

Naka Liang kine ki ar Seng kin sa bud dein ïa kane ban paw ryngkew ïaki jingshisha