Thung u VC ka NEHU ia ki Pro Vice Chancellor na ka bynta ka Shillong bad Tura Campus

Syllad | The Rising MeghalayaNovember 14, 2024

Hapdeng ka jingshah banbor, u Vice Chancellor ka NEHU u Prof PS Shukla ha ka 13 tarik u Naiwieng u la thung ia ki arngut ki Pro Vice Chancellor na ka bynta ka Shillong bad ka Tura Campus.

Kine ki kynthup ia ka Prof Sherwin May Sungoh na ka Education Department ka ban shimti kum ka Pro Vice Chancellor ka Shillong Campus bad ka Dr Fameline K Marak na ka Garo Department kum ka Pro Vice Chancellor ka Tura Campus.

Kane ka rai jong u VC ka la wan long ruh hapdeng ka jingiakhih shah thngan kaba dang iai bteng da ki samla pule hapoh ka jingialam jong ka North Eastern Hill University Students’ Union (NEHUSU) bad ba la kyrshan da ka Khasi Students’ Union (KSU – NEHU Unit) kaba la iaid mynta lah khyndai sngi kynthih ban dawa weng mardor ia u VC lem bad ia u Registrar bad u Deputy Registrar.

Ka por treikam bad kiwei kiwei pat ki kyndon jong ka jingthung ia kine ki Pro-Vice Chancellor kan long katkum ka Act bad Statutes jong ka University kumba la pynkylla na ka por sha ka por, ong ka hukum ba la pynmih da u Assistant Registrar (Planning).