Thurmur ka jingpyntrei ka MTDC iaka Swadesh Darshan Scheme ha u Lum Sohpetbneng

Syllad | The Rising MeghalayaOctober 4, 2022

U Bah Disparsing Rani, ba dei uwei na ki nongwad RTI, mynta ka kynti da ka jingwad bniah kaba tikna ka jong u, u la kynnoh ba u lap bad shem ba na ka liang ka tnat Meghalaya Tourism Development Corporation Limited (MTDC)  halor ka jingpyntrei ka jong ka ia ki kam kiba iadei bad ka Swadesh Darshan Scheme ba la mang tyngka da ka tnat tourism jong ka sorkar kmie, ha u syntai jong u lum kyntang ka jaidbynriew u Lum Sohpetbneng jong ka Seng Khasi Kmie, Mawkhar Shillong, ka long da shisha ka kam ka bym biang, ba dkoh bad don ruh ki kam kiba khlem iohi ne paw ka syrngiew jong ka jingpyntrei.

Kat kum ka kaiphod jong ka RTI kaba u bah Disprasing u la wad lyngba ka MTDC kaba u la ioh  hi ka long ba ka jingpyntrei  ia ki  scheme jong ka swadesh darshan scheme daka MTDC baroh ki don haduh 22 bad kine ki kynthup naduh ka Traditional Healing Centre, Information Centre cum Sales Emporium, Power back-up hut, counselling centre with multipurpose hall, cafeteria,  rain shelter, viewing gallery,  sound & light show view gallery, internal pathways, parking area,  storm water drainage sysyetm, plantation  of biological fencing, public toilets,  boundary wall, directional sinages, campus illumination with solar energy,  last mile connectivity,  trekking route,  retaining wall, land scaping, , sloid waste management bad mountain biking.

Haba kren sha ki lad pathai khubor haka sngi Nyngkong, u bah Disparsing  u iathuh ba ka kaiphod jong ka RTI ka jong u kaba u la ioh ka dei kaba u la pan haduh artylli ha kaba ka kaiphod ba nyngkong ka dei kaba u la ioh ha ka 4 tarik bnai ba 7, 2022 bad ka kaiphod kaba ar lyngba ka RTI kaba u la pan pat u la ioh ha ka 28 tarik bnai ba 7 2022.

U bah Disparsing u la iathuh ba ka RTI kaba u la wad ka dei halor katta ka nongrim ba ki don ki kato katne ki jingtei ka swadesh darshan schmeme, kaba kat kum ka RTI ka la paw ba ka la don ka jingiasoi ia ka soskular hapdeng ka Seng Khasi bad ka MTDC ha ka 13 tarik u bnai ba-ar  2009, ha kaba ka jingmang pisa ban pyntrei ia kane ka skhim ha kane ka jaka ka long 18 klur, 82 lak 54 hajar 9 spah saw tyngka.

Dei hadien ka jingioh ban pdiang ia kane ka RTI, u bah Disparsing dalade u la leit ban jurip ia kine ki jingtei sha u lum Sohpetbeng bad kum uta u nongwad RTI ha ka juh ka por u briew u ba dang don ha la ka niam tynrai, ha kaba u da lyngngoh ba un lap bad shem ba ka don kawei ka iing kaba la tei bad mynta ka pei bad jaw um bad kane ka jingpei ka dei ka bynta ka counselling centre cum multipurpose hall bad kane ka pynpaw ia ka dak jingleh bein ia ka Seng Khasi.

Hynrei kaba pynktik jingmut bha ia ka jingwad RTI ka jong u bah Disparsing ia ka Swadesh Darshan Scheme ka long ia kawei ka jingtrei kaba ka dor ka jong ka ruh ka long kaba heh bha bad kane ka dei ka Sound & Light Show, kaba shongdor haduh 6 klur 54 lak  93 hajar 958 tyngka bad ha ka jingjurip ka jong u, um shim la lap ne shem ia ka jingdon ka jong ka bad kaba pynsgew synei bha ia ka Seng Khasi.

Kumta u bah Disparsing haba shem bad lap artad da la ki jong ki khmat, u sngew ba la kumno kuno kum ki kontraktor ki la dei ban pyrkhat naka bynta ka  bit ka biang  bad don burom jong kane ka jaka ba kyntang ha ka por ba ki shna ne tei ia kine ki kam ha u syntai jong une u lum kyntang ka jaidbynriew.