Tika (Vaccine)

Ha kane ka khlam covid,
Kaba la kynrei kum ki tit;
Ban mih ruh tieng ioh ia bit,
Ba duk ba pli hap ia shah jingit.

Ban ap ia tika ban ioh injek,
Lah dei shuwa ban ia shad-khalek.
Ha iing la jong hap shu ia online,
Tang ban ioh pali i’u laiñ.

Huri hura ha ki internet,
Touch screen sa tang katno lah bret.
Ha private hap siew sanspah tyngka,
Pisa ioh naei bym don jingbylla?

Ia siew shallan ne ia siew tika!
Nongpeit ia ngi ba duk ym I phoida.
Ban leh online hap pyrta paralok,
Sha nongkyndong jingduna network.

Lano kan poi kata ka sngi?
Ban lait buh kine ki dak jingkylli.
To trei bha phi kiba nang ba stad,
Ia ngi ba sha kyndong to wad lad.

Ha pneh mariang ngi dang kwah sah,
Wat leh kyllut, wat leh matlah.
Kitbok kitrwiang ban shait noh kloi,
Na une u khlam ngin ia kyrsoi.

Da U R Skhemroi Laloo