Tlot ka bor ka aiñ shong kyllaiñ myngngor ka Congress ha Khliehriat

Syllad | The Rising MeghalayaMarch 24, 2021

Ki dkhot jong ka Khliehriat Block Congress Committee (KBCC) haka sngi Balang ki la pynlong da ka jingshong kyllain myngngor ha phyllaw jong ka ophis u  Deputy Commissioner ban pynpaw ban pyrshah iaka jingtlot ki bor ka aiñ bad ka jingbym lah ban tehlakam iaki kam sniew ha East Jaintia Hills District.

Ka KBCC kala pynremjur ia ki bor jong ka ain ki bym lah ban kem satia ia ki ba donkti ha ki kam lehbeijot bad pyniap dusmon kynthei khynnah ha kine ki lai bnai bala dep kiba la pynieng iaki shniuh jong ki nongshong shnong ka East Jaintia Hills District.

Ki nongialam ka KBCC kiba kynthup ia u ma Piwel Shylla Working President ka KBCC, ma Deibor Syad kila pynrem jur ia ki bor jong ka ain ki bym lah satia ban teh lakam ia ki sniew ha ka District.

Kila dawa ruh ba dei ban kem mardor ia ki runar kiba donkti ban lehbeijot bad ban pyniap dusmon ia ki ar ngut ki khynnah skul kiba jia ha katei ka district ha u bnai Nohprah bad une u bnai Lber mynta u snem.