TMC kadei ka party kaba don ka jingsngew ïa u kup shilliang sem shilliang: Andrew

Syllad | The Rising MeghalayaJanuary 28, 2023

U kyrtong ka TMC na 2-Jowai Constituency u Ma Awhai Andrew Shullai ula pynskhem ïaki nongkitkam ka Mukhla pyllun haka jingïalang kaba la long ha hall ka Highwinds haka sngi Thohdieng.

U Ma Andrew Shullai haka jingkren, ula ong ka jingrung jong u sha ka party TMC kadei kaba ula pyrkhat sani bha. Ka party TMC kadei ka party kaba don ka jingsngew ïa u kup shilliang sem shilliang bad ki lymboit lymbiang.

Haba ïaroh ïaka TMC ula ong, lait na ka party TMC ymdon kiwei ruh ki party kiba nud ban kular ban ai jingïarap ïaki longkmie kaba long haduh 1 hajar tyngka shibnai.

Ula ong tang ka party TMC kaba ïohi ïaka jingeh jingjynjar jong ki paidbah, ka jingeh jong ki samla ba la nang la stad hynrei kim ïoh kam ïoh jam.

Ula kyntu ïaki nongtrei ka party ban long kiba ïatylli bad sngewthuh jingmut bad lada don kano kano jingthut jingwit ban pynbeit da ka jingïatreilang ryngkat ki longkmie ki samla.

U kyrmen ba da ka jingtrei shitom jong ki paidbah nongkyrshan un poi sha ka thong bad ba ka San snem ban wan kan dei ka San snem ka ban wanrah ïaka shongsuk shongsaiñ, ka roi ka par, ka kamai kajih kaba bit ba biang bad ka imlang sahlang kaba suk ba kmen.

Ïaka jingïalang la pynïaid da u Bitos Sari haka jingdonlang u Ma Awhai Andrew Shullai, u CEM barim ka JHADC u Ma Madonbai Rymbai, ki nongïalam ba hakhmat ka TMC bad kiwei kiwei ki dkhot nongkitkam.

La ïoh ka jingkren na u Jubinal Rymbai, Niman Shadap, Thei Shylla, Deimonmi Bhoi, E Nongrum bad kiwei kiwei kiba la pynsngew ba ha kine ki San snem ba la dep ka jingshynshar ka sorkar MDA haka jingïalam ka NPP kala wanrah shibun ki jingeh kiba ktah khamtam ïaki longïing ba duna ka ïoh ka kot. Ki la pynsngew ruh ïaka jingdonkam ban wan ka jingkylla hapoh ka Jylla da ka jingsynshar ka TMC.

https://youtu.be/kKX9Dn9bgCU