Ka Common Platform ka Khimusniang: To ia peit iaka video halor ka nongrim bad kaei ka thong ki kyrtong ban pynjem iaka jingeh ka Jowai Constituency

Syllad | The Rising MeghalayaFebruary 11, 2023

Ka dei ka sien kaba ar ba ka dorbar shnong Khimsuniang, Jowai kala pynlong iaka common platform ne ka rynsan ialap ha ka juh ka jaka iaki kyrtong kiban iakhun iaka elekshon sha ka iing dorbar thaw ain ka Jylla haka miet sngi Palei. Ka sien kaba nyngkong kaba ka shnong Khimusniang kala pynlong ia kane ka rynsan kadei haka por elekshon MDC 2019.

Ka Jowai Constituency ka don san ngut ki kyrtong ban aireng haka elekshon kiba kynthup ia u kyrtong ka UDP u Moonlight Pariat, BJP u Allan Keith Suchiang, TMC u A. Andrew Shullai, Congress u Daniel Dann nalor u MLA ba mynta u Wailadmiki Shylla.

U Ma Moonlight Pariat kyrtong ka UDP u dei u nongkren ba nyngkong hadien ba ioh jied ia u nomber ban kren nyngkong na ka jingpynkhlai mano na ki kyrtong ban kren shuwa.

U nongkren uba ar u dei u ma Allan Keith Suchiang kyrtong BJP, u nongkren ba lai u dei u ma Andrew Shullai. Hadien la kren u ma Wailadmiki Shylla bad khatduh la kren u kyrtong Congress.

Kane ka video harum kalong katkum ka jingkren jong ki kyrtong halor ka mat bad ka nongrim ba ki ieng ban ialeh iaka elekshon bad ka thong jong ki ban pynjem iaka jingeh ka Jowai Constituency ha ki san snem ban wan.