Trei borbah ki Pulit, ka tnad koit ka khiah ban iakhun khlam Corona ha East Jaiñtia ong ka KSU

Syllad | The Rising MeghalayaApril 10, 2020

Hadien ka jingpur ka khlam Corona sha Lower Assam, ka bor synshar District jong ka East Jaiñtia Hills, ki Pulit kaba kynthup ïaka tnad Infiltration bad ka tnad ka koit ka khiha jong ka district kila trei borbah ban pyrkhing iaka leit ka wan ha u paidbah khamtam kiiba wan na Assam bad kila pynkhlain bha iaka jingtalasi bad jurip iaki briew bad kali ha Malidor, ka jaka Khappud Assam Meghalaya.

Ka Khasi Student Union (KSU), Narpuh Circle kala ai ka jingiaroh ia ka bor synshar district jong ka East Jaiñtia Hills baroh kawei naduh ki pulit Umkiang, pulit infiltration check gate jong ka Ratacherra, ka tnat ka koit ka khiah, tnat Transport bad kiwei kiwei ki ki line department jong ka sorkar kiba shimkhia ban khanglad iaka jingrung klumar ki briew na bar jylla khamtam kiba wan na Assam na katei ka jaka khappud.

Kane jaka talasi ka dei ka ophis barim ka Motor Vehicle Inspector (MVI), ka tnad transports kaba don ha Ratacherra.

Ka Khasi Students’ Union (KSU) Narpuh Circle kum shi bynta ban ai mynsiem ia kine ki nongtrei sorkar kiba trei miet la bad sngi ban peit bniah bad Screening ia ki nongñiah kali ne ki briew ba wan rung, ki nongialam naduh President Ma KS Suchiang, u Vice President Ma Phanuel Tongper, u Sanatomba Bamon General Secretary bad katto katne ki dkhot ki la leit hiar sha katei ka jaka.

Ka KSU kala lap dala ki jong ki khmat iaka jingtrei shitom jong ki nongtrei sorkar bapher bapher bad kala lap ka jingiakhun ia ka khlam corona kala long kaba khia haduh katta katta ha kaba baroh 24 kynta ki nongtrei jong ka tnad ka koit ka khiah ki iahap ban trei bad ki ia bhah briew mar saw ngut ban iatrei bad ban synreit dawai ruh ia baroh ki kali ba wan rung.

Katba ki pulit Umkiang pat ki pynlong ia ka jingtalasi hajan jingkieng Malidor ban shim jingkheiñ bad register ia baroh ki kali kiba rung shapoh ka jylla.

Ha kaba iadei pat bad ka jingrung jingmih ki ambulance ba nabar jylla man ka sngi, ki pulit ka Ratacherra ki la iathuh ba la dep ban peit bniah bad yn shah tang ia nongpang ban don ha kawei ka ambulance kynthup ia u draibar bad tang ia kito ba long emergency. Ka seng ka ai jingiaroh ia ka tnat sorkar ba trei shitom ban iakhun ia kane ka khlam COVID-19 ba kan lait ban iabit sha kane ka jylla jong ngi.

Ka KSU ka kyntu ia ki paidbah ban ai ka jingiatrei lang bad ka sorkar, namar kumba long mynta sha ki thaiñ nongkyndong ki paidbah ki kheiñ sting ban bud ia ki jingbthah ka sorkar khamtam ka jingialum ha ki jaka bun briew.

Ka KSU kala ong ba kane ka jingpang khlam kala nangkiew man ka sngi, kumta ki paidbah ki dei ban phikir bad ban ialeh shitom ban shong ha iing bad ban kiar naka leit ka wan bad ban long kiba lehkhuid.

“Ka jjingpur jong kane ka jingpang kan kut tang lada ngi treilang bad ban bud iaki kyndon bala bthah ka koit ka khiah,” ong ki nongialam ka KSU  bad ka ainguh ia U Blei nongbuh nongthaw uba da ker sumar ia kane ka jylla bad ban jur iaki paidbah ban shong iing ha kine ki kynta khang khyrdep ban lait na kino kino ki jingeh.