Tuid da ki hajar sha ka jingiaseng samla KJP Synod Mihngi ha Moodymmai Nein

Syllad | The Rising MeghalayaMarch 6, 2023

Da ki phew hajar ki paid riewngeit ka Balang Presbyterian na kylleng ka rilum Khasi bad Jaintia kila tuid sha ka jingiaseng Samla KJP Synod Mihngi kaba Arphew Wei kaba la long ha Balang Moodymmai Nein Presbyterian Church kaba la poi sha kaba kut haka Sngi U Blei.

Ka phang pdeng jong kane ka jingiaseng synod ka long “Ïengskhem bad longshlur”.

U Pastor SD Lanong haba kren haka jingiaseng haka 10:30 mynstep, ula sam iaka khubor na ka shithi kaba nyngkong u Petros lynnong 2 dkhot 9 kaba ula buh ïaka phang pdeng ka dor jong ka jinglong Kristan ha kine ki sngi kiba mynta.

Ula ong ki Kristan kidei kiba la khot da u Blei na ka jingdum sha ka jingshai, hynrei mynta bun ki Kristan ki long kumba long ka sopti haba sngew donkam ïaka sopti ki phong haba ym sngewdonkam ki law na ka met.

Ula pynkynmmaw ïaki myntri jong ka Hima Sohra kiba la kyrpad ïa u Syiem Borsing ban ïehnoh shipor ïaka jinglong Kristan khnang ban thung Syiem biang ïa u bad ka jubab u Borsing Syiem kalong ba U Jisu um dei ka sopti kaba lah ban law katba mon bad wei ba la phong la phong shi junom.

Haka por nohphai sngi ïaka khubor na ka Ktien U Blei la sam da u Pastor EK Mujat kaba ula pynshong nongrim na ka kitab kaba Nyngkong jong u Samuel 30:8.

Ka Jingïaseng Samla Balang Latawor, Jingïaseng Samla Balang Sohkha, Jingïaseng Samla Balang Samatan bad Jingïaseng Samla Balang Lad Basic, Jingïaseng Samla Balang Kairang, Jingïaseng Samla Balang Maskhal, Jingïaseng Samla Balang Moodymmai Neiñ bad Standing Choir Jingïaseng Samla KJP Synod Mihngi kila shimbynta haka jingrwai Choir. La ioh iaka jingrwai pynshit na ka Balang Khimusniang bad Latyrke.

Haka por janmiet la ioh iaka jingkren na u pastor RB Marpna halor ka sobjek “Ki Samla Khristan: ka jingkyrkhu sha ka pyrthei” (Gen 12:2).