Tuid u paidbah ban leit on tep iaka khynnah skul ba suba shah pyniap ha East Jaintia Hills

Syllad | The Rising MeghalayaMarch 15, 2021

Mynta ka sngi kiba haiing hasem, ki kur ki kha, ki paidbah bad ki para khynnah skul jong ka khynnah skul kaba suba shah pyniap ha East Jaintia Hills District kila leit ban tep don burom iaka ha kaba shnong kaba la heh san.

Ia ka metiap jong kane ka khynnah ki Pulit jong ka Khliehriat kila aiti mynta ka sngi Nyngkong hadien bala pyndep iaka post mortem na Khliehriat CHC na ka bynta ka jingdonkam jong ka aiñ.

Hashwa ban pynlong ïaka jingleh niam la ïoh ka jingkren kyrpang na ka ïing ka sem bad ki nongialam ka kur kiba la pynpaw ka jingsngewsih kthang bad kim lah satia ban mutdur ba kan wan jia haka ïing ka sem jong ki.

Kiba bun ki nongkren shuwa ban leit on tep ia kane ka khynnah, haba kren kila pynrem jur ïaki riew runar kiba donkti ban pyniap ia ka bad dawa ruh na ki bor jong ka aiñ ba kin thwet mar dor bad ban pynshitom ïaki riewsniew da kaba set phatok shi junom ne phasi ïaki.

Kumban shu pynkynmaw kane ka khynnah kala jah naduh ka sngi Thohdieng (12/3/21) bad la lap iaka met iap jong haka sngi Saitjain (13/3/21).

Baroh shimiet la ieh ia ka met jong ka ha khlaw Ar kilo, ka jaka kaba la tip kum ka Wah Umbluh Wai Khyrmi, ka jaka kaba hap hapoh u pud u ang ka Dkhiah East bad haka sngi kaba bud la wan ka kynhun Crime Scene Unit na Shillong ban pyndep iaka jingtohkit bad ka jingdonkam jong ka aiñ.