Tuklar ka NADC halor ka jingsuki ka kam tei jingtei ha Nongtalang CHC

Syllad | The Rising MeghalayaOctober 22, 2024

Ka Nongtalang Area Development Council haka 21 tarik risaw haka jingialam u President Bah Twinson Rymbui ryngkat ki dkhot kila leit ban buddien iaki artylli ki jingtei kiba sahteng hapoh ka Nongtalang CHC.

U President Bah Twinson Rymbui haba kren shaki lada pathai khubor ula iathuh ba ka daw kaba pynlong iaka NADC ban leit jurip kadei hadien ka jingslem palat ban trei iaki artylli ki jingtei ka Warehouse bad ka Ramp.

Nalorkata iaka Warehouse la mang haka jingtei kaba kot 80 lak tyngka bad iaka Ramp la 77 lak tam tyngka. Nalor kata ula pyntip ruh ba iaka Warehouse la buh por ban pyndep hapoh 8 bnai hynrei haduh mynta u kontraktor u khlem lah ban pyndep iaka kam kumba la mang.

Ka NADC haka jingiakren bad u kontraktor ula kular ban pyndep iaka Warehouse hapoh kine ki kyndiat bnai. Ha kaba iadei pat bad ka Ramp ula ong ba kila buh iaka por ne duration of time ban pyndep hapoh 2 snem kata naduh u 2022-24.

U kontraktor ula pynthikna ba un pyndep ia kine ki jingtei ha u snem ban wan.