Twa khyndew biang ha Kuliang

Syllad | The Rising MeghalayaJune 20, 2022

Hadien ka jingbteng biang u slap ban jur baroh shisngi ha East Jaintia Hills District kala don biang ka jingtwa khyndew thymmai haka surok bah NH06 ha ka shnong Kuliang mynta ka miet sngi Nyngkong.

Shuwa kane ka jingtwa khyndew hynne ka step ruh kala don ka jingtwa khyndew ha tunnel Sonapur, hynrei la lah ban pynkhuid noh da kaba pyndonkam da ki kor puh shilum.

Ka surok bah NH 06 naduh na Sonapur haduh Ratacherra mynta kala shong synjor bad ki don bun jaka kiba ka surok kala orpait. Haka shnong Kuliang ka jingorpait kala jur bha bad ha kano kano ka por ka lah ban twa namar ka jingshong synjor ka khyndew.

Kane ka jingtwa khydew bad ka jingshlei ha kane ka surok bah i kumba kan nym kut shuh bad ka jingiaid jingieng lyngba kane ka surok ka buh jingma ia u briew.