Twa khyndew ha ki ar jaka lait thaw ki ïing briew

Syllad | The Rising MeghalayaOctober 26, 2019

JOWAI: Ka jingjur jong u slap khlem sangeh ha kine ar sngi kala wanrah ka  jingjulor bad ka jingtwa khyndew ha ki katto katne ki jaka ha Jowai haka sngi Saitjaiñ.

Kawei na ki jingjia twa kynroh kala jia ha Mynthong Riatsasim, Jowai ha surok bah Dawki Amlarem Jowai. Kawei pat ka jingjia kala jia ha Iawmusiang ha kaba ka kynroh kaba don shynkiar ka ka Balang CNI Jowai kala twa bad kala wanrah ka jingsah kut ka iaid kali na katei ka surok.

Ka ïing kaba shah ktah ha kane ka jingtwa khyndew bad kynroh ha Mynthong Riatsasim ka don haka jingma bad ki trai ïing kim nud shuh ban shong sah ha katei ka ïing bad baroh ki jingdon jingem jong ki la sei lut na katei ka ïing. Ha kane ka jingjia kam don kano kano ka jingjia ba sngewsih.

Shuh shuh kane ka jingjur u slap kala pynlong ïa ki wahduid bad ki wah ban heh kynsan khamtam wah Myndtu kala shlei um smam.