Tylli ki MLA na Rilum Jaintia ban pyrshah iaka jingai wai sha ki company iaka Myntdu Leshka Hydro Electric Project

Syllad | The Rising MeghalayaJune 3, 2021

Ki MLA na Rilum Jaintia da kawei ka sur kila tylli mlon ban pyrshah iaka rai jong ka sorkar Meghalaya Democratic Alliance (MDA) kaba ialam da ka National People’s Party (NPP) bad MeECL ban ai wai iaka #MyntduLeshkaHydroElectricProject sha ki company riew shimet ne ki tnad ba pyniaid ka sorkar na shabar ka Jylla ban pyniaid iaka jingai bording #electric ha baroh kawei ka Jaintia Hills.

Ia kane ka rai la shim haka jingialang jong ki MLA kaba long ha Secretariat. Shillong kaba la iashimbynta da ki MLA naudh u ma Lahkmen Rymbui, Coming One Ymbon, Sniawbhalang Dhar, Kyrmen Shylla, Wailadmiki Shylla, Nujorki Sungoh bad Shitlang Pale.

“Ngi ki 7 ngut ki MLA na Rilum Jaintia da kawei ka sur ngi pyrshah jur iaka rai ban ai wai sha ki company shimet ne ki Myntdu Leshka Hydro Electric Project ban sam bording kaba kynthup ruh iaka maintenance ha Rilum Jaintia,” la ong u ma Lahkmen.

“Ngi kyrshan na ka bynta ban pynbha iaka rukom treikam ka MeECL ban pynduna iaka jingduh nong, hynrei ym dei ban aiti sha ki company shimet ne ki bor ba na shabar.

Ngi la rai ban iakynduh ia u Myntri Rangbah Conrad K Sangma ban tuklar ia kane na ka bynta ka jingmyntoi u paidbah ka rilum Jaintia,” la ong u Ma Lahkmen.