Tyngkreng ieh ka MeECL ia u transformer ha Bambthong, dawa shna jingker ka JSM

Syllad | The Rising MeghalayaApril 16, 2021

Ka Jaintia Students’ Movement (JSM) kala dawa naka Meghalaya Energy Corporation Limited (MeECL) ban ker ia u transformer uba la ieh tyngkreng khlem kino kino ki jingiada na ka mynsaw mynsnam haka shnong Bambthong la bun bun snem.

Ka JSM hadien ba kala ioh ka jingujor na u paidbah ka shnong Bambthong haka jingialam u Boyme Myrphet, education secretary central body haka sngi Palei, kila leit jurip ia utei u transformer bad la lap ba une u transformer uba la buh ha katei ka shnong hajan ka iing mane presbyterian la shu ieh tyngkreng khlem kino kino ki jingker ban iada na kino kino ki jingjia ba pynmynsaw iaki khynnah kumjuh iaki mrad ki mreng.

Ka JSM kala kynnoh ba ka MeECL kala leh torti shaba palat ha kaban buh ia u transformer ha katei ka jaka kaba wat ki khynnah ba dang 3-4 snem ruh ki lah ban kynjoh iaki wire ding ba pynpur ha u transformer.

Ka JSM kala ong ba ka bor shnong ruh la bun bun sien kala ujor halor rune u transformer, hynrei ka MeECL kala leh bymsuidniew iaka iap ka im u paidbah.