Tyngshain ki khynnah MeSCMA haka jingiakob NEZ Sport Climbing Competition

Syllad | The Rising MeghalayaJuly 27, 2022

Ka kynhun ki khynnah lehkai kiewlum hapoh ka lama jong ka Meghalaya Mountaineering and Sports Climbing Association (MeSCMA) ki la lah ha kaban paw iaka sap ka phong ba tbit ha ka jingleit ban iashim bynta ka jong ki sha ka iakob ialehkai ba la tip ia ka kum ka IMF North East Zonal Sport Climbing Competition.

Ia kane ka jingiakob la pynlong da ka IMF North East Zone Committee ha Indian Institute of Entrepreneurship, Guwahati naduh ka 22 haduh ka 24 tarik une bnai.

Ki khynnah ka MeSCMA kila tyngshain ha kane ka jingiakob hadien ba kila wan shakhmat ha jingiakob ba har rukom kiew lum kiew maw.

Ka Dadapbiang Lyngdoh ba shong ba sah ha Upper Lumparing ka la lah syndon ban bat ia ka kyrdan ba nyngkong ha ka kyrdan iakhun jong ka speed and bouldering.

Da kane ka jinglah ban paw bad ban tyngshain bha ka jong ki khynnah, ka pynlong ia ka MeSCMA ba kan ban jur ia ka jingdonkam ia ka jingkyrshan ba radbah bha na ka sorkar jylla, katno tam lei lei ban iarap lem ban wan shakhmat ban iarap ban bei tyngka naka bynta ban shna ia ki climbing wall kiba iahap kyrdan ha ka pyrthei ne international standard, namar ka jingdon kum kane ka rynsan pyrshang khlem pep yn lah ha kaban nang sei shuh shuh ia kiba bun ki khun samla ba don sap na ka jylla ba kin iai paw shuh shuh ha kane ka kam ialehkai bad ba kin lah ruh wat ban bteng ban khur ia ki takma ha ki lympung iakob ban long ha ka ri.

Pynban kum ka synjuk, kam lah ruh ban khlem da pynpaw ia ka jingsngewnguh ia ki nongialam ka Meghalaya State Olympic Association nangta ia ka ophis jong ka Directorate of Sports & Youth Affairs ia ka jingkyrshan bor met bad pisa ka jong ki man la ka khep haba ka synjuk ka donkam ban ialam ban pyniakhun ia la ki khun samla sha kum kine ki jingiakob.

Ka MeSCMA kam lah ban khlem da ai khublei ruh ia ki Principal jong ki skul kaba ki khynnah ki leit ban pule, nangta ia ki kmie ki kpa bad kumjuh ia ki riew kylluid mynsiem kiba juh iai don lang ha syndah ne ban iarap ban noh synniang lem ia ka synjuk.

Harum ki long ki kyrteng jong ki khynnah bad ki kyrdan ba ki la ioh ba kin bat ha kane ka jingleit iashim bynta ka jong ki sha Guwahati.

WOMEN Open Category:

Ngandarihun Sohshang (of Mawprem)- 3rd position ha ka LEAD and SPEED climbing
Indalin Lyngdoh (Upper Lumparing)- 10th position

MEN Open Category:

Teimiki Sungoh (Shangpung)-9th Position
Keliostar Pdai (Lyting Larbri)-13 position
Rajeshphar Pdai (Lyting Larbri)-15 position
Ricky Rani (Swer Village)-30 position

Sub Junior Girls:

Dadapbiang Lyngdoh (Laban Presbyterian Higher Secondary School)-1st position ha ka SPEED and BOULDERING climbing
Iaphilarisa Syiemlieh (Bethesda English Secondary School, Mawiong)- 2nd Position LEAD climbing
Pynkmenlang Lyngdoh (Laban Presbyterian Higher Secondary School)-3rd position LEAD climbing

Sub Junior Boys: