Tyngshain ki nongmareh athletic ka West Jaintia Hills haka Meghalaya Games khur saw tylli takma ksiar

Syllad | The Rising MeghalayaJanuary 18, 2024

Ki rang bad thei ialehkai athletics ka West Jaintia Hills, ki la lah ban paw bad tyngshain bha ialade ha ka sngi kaba ar jong ka jingialehkai ia ka Athletics ha ka lympung ialehkai jong ka Meghalaya Games kaba la long ha Pa Togan Nengminza Athletic Stadium, Tura. 

Tad haduh ba la kut jong ka sngi kaba ar, kane ka kynhun ki nongialehkai ka West jaintia Hills ki la lah ba kin khur haduh saw na ki phra tylli ki jait jingialehkai kiba la lah ha kaban pynlong ia ka mynta ka sngi bud pat sa ka kynhun na Ri-Bhoi kaba la ioh ba kan khur sa artylli ki takma ksiar katba ka South West bad ka East Khasi ki la ioh ba kin khur mar kawei ka takma ksiar. 

Ki kato katne ki nam jop ba la lah ban khur da ka kynhun ialehkai ka West jaintia ka long lyngba ka 5000 M ki shynrang ha kaba u dabit Dkhar u lalah ban pyndep ia ka thong ha ka 15:53:9, katba ha ka liang ki kynthei ha kan ka juh part ka jingiakob , ia ka takmka ksiar bad rupa la khur ia ki da ki arngut ki thei ialehkai  jong ka SWKHD lyngba ka Lyntijingkyrmen K Jahrin kaba la pyndep iaka thong ha ka 19:55:2 bad Marqueenless Ramsiej 20:03:2, ia ka takma rnong la khur ia ka da ka Happiness Phawa ka WJH. 

Ha ka high Jump ki khynnah kynthei ka takma ksiar la khur ia ka da ka thei ialehkai ka Ri-Bhoi ka Joytiful Narlong kaba la lah ba kan kynthih haduh 4.56 meters, ka takma rupa bad rnong ka leit sha ka Savinity Jyndiang WKH bad Shidalin Rongpih ka Ri-Bhoi. 

Ha ka iakob mareh kaba 400m ki shynrang  u Kyrshanlang Shylla ka WJH u la khur ia ka takma ksiar hadein ba u la lah ban pyndep ia ka thong ha ka 50:3s, katba u Donbok Shabong ka EKH bad Kalbin Marak ka EGH ki la khur ia ka takma rupa bad rnong. 

Katba ha ka iakob mareh ba 400m ki kynthei ka Retina Hanse ka la ioh ba kan khur ia ka takma ksiar hadien ba ka la lah ba kan pyndep ia ka thong ha ka 1:01:5, ka takma rupa bad rnong ka leit sha ka Damika Lyngdoh WJH bad ka Albamery Sohsang ka WKH. 

Katba u Renaldi Dkhar u la bteng ia la ka sur ban ialekai bha ka jong u da kaba u la ioh biang ban khur sa ia kawei pat ka takma ksiar ha ka long jump ki shynrang hadien ba u la lah ban kynthih haduh 6:34M. 

Hynrei ka jingjop kaba da pynkmen tam ia ka kynhun ka West jaintia ka la wan hadien  ka jingjop ia ka 4x100M relay ki shynrang ha kaba kane ka kynhun ka la lah ba kan pyndep iaka thong ha ka 45.3, kaba hangne u Renaldi u la lah ban lam biang ia la ka kynhun ban pynjop ia ka, ki district ba la la ioh ban khur ia ka takma rupa bad rnong dei  EKH bad WGH. 

Katba ha ka 4x100M ki kynthei, ka kynhun ka EKH ba la don lang ka Anjelina Jackson ki la khur ia ka takma ksiar , bud pat sa ki thei ka Ri-Bhoi bad WJH kiba la khur ia ka takma rupa bad rnong.