Tynrong u paidbah halade iaka jingkitkhlieh ban maramot ia ka surok Mooshrot Laskein

Syllad | The Rising MeghalayaAugust 8, 2022

Ka surok kadei u budlum bad u shabi ka roi pynban ka jinglehkuman ka tnad PWD ban maramot ban peit iaka jingshngain ka leit ka wan kala pynlong ia u paidbah ban mih paidbah ban tynrong halade iaki jingkitkhlieh ban maramot iaka surok na Mooshrot haduh Laskein haka sngi Nyngkong.

Kane ka surok ka jngai kumba 20 KM ka hap hapoh ka Mowkaiaw Constituency, hynrei kala dap da ki thliew ki syar kaba la shitom ia u paidbah bad ki kali motor ban iaid ban ieng khlieh la ka sngi.

U Nehemayah Tyngkan uwei na ki kyrtong jong ka party Congress u ban aireng haka elekshon ban wan ula ong ka jingsniew jong ka surok ka la buh jingeh ïaki paidbah nongleit nongwan ka thaiñ khamtam eh haka por ba pang ba shitom ne ka por ban leit kha khun na ka daw ka jingsniew palat kane ka surok.

Mynshwa ka shim por tang duna shi kynta ïaki nongshong shnong jong ka Sahsniang kumjuh na ka thaiñ Tumtum, Khatkasla, Psiar ban poi Jowai, hynrei mynta ka shimpor haduh ar kynta lane ar kynta shiteng ban poi Jowai namar ba khlem maramot ïaka mynta la bun bun phew snem.