Tyrwa ka Diocese Jowai sha ka sorkar ia ki 18 tylli ki skul kum ki Isolation Centre

Syllad | The Rising MeghalayaApril 6, 2020

U Bishop jong ka jyllaniam Jowai (Jowai Diocese) u Most Rev. Victor Lyngdoh dd bad ki paid riewngeit jong ka  Diocese kiba sngewkhia halor kane ka jingpang COVID-19 kaba la saphriang bad pur stet ha kylleng ka Pyrthei bad bun ki Nongshong shnong jong ka Ri India kiba la shah ktah da kane ka jingpang COVID-19 (Coronavirus) wat lada kane ka jingpang kam pat iohphrung khlieh hapoh ka Jylla Meghalaya, hynrei pat na ka liang u Bishop bad ki paid riewngeit ka Diocese ki la shim khia ia kane ka kam ban iatreilang bad ka sorkar.

U Most.Rev.Victor Lyngdoh dd ha ka jingiasynran lang u Phadar Manbha Pakem, uba long u Director jong ka Jaintia Hills Development Society, Jowai Diocese, ma M.M.Thaiang bad kiwei ki la leit ia kynduh ia u Deputy Commissioner ka West Jaintia Hills District ma Garod L.N.S. Dykes ha Ophis treikam jong u hynne ka sngi (6/4/2020).

Ha kane ka jingleit ia kynduh na ka liang ka Jowai Diocese ym tang ba ka iatrei lang bad ka sorkar ka la tyrwa ruh ia ki 18 tylli ki School kiba don hapoh ka Diocese kata kum ka Syiem jingsuk Secondary School Amlarem, St. Mary Mazzarello Higher Secondary School Jowai, Tome Memorial Secondary School Jowai, Little Flower Secondary School Ummulong, Khrist Syiem Secondary School Namdong, Lum Assisi Secondary School Khanduli, St. Peter Secondary Barato, St. Dominic Higher Secondary School Mowkyndeng, St. Claret Secondary School, Mooksiang (Phramer), Holy Cross Higher Secondary School Umkiang, Divine Word Secondary School Lumshnong, Khliehriat Higher Secondary School Khliehriat, St. Anthony College Byndihati, Good Shepherd Secondary School Ladrymbai, Holy Trinity Secondary School Sutnga, St. Peter Secondary School Iongkaluh, Tluh Secondary School Tluh bad Auzilium Secondary School Lamarsiang ban pynlong kum ki Isolation Centre lada ka sorkar ka donkam.               

Nalor kane ka jingtyrwa ia ki 18 tylli ki Skul kum ki Isolation Centre, ka Diocese ka la pynbiang ruh ia ki sanhajar (5000) tylli ki Mask. Ha kajuh ka por ka Jowai Diocese kala leit ai hynne ka sngi ha u Chief Minister ka Jylla Conrad K. Sangma ia ka pisa jingiarap kaba Lai Lak Tyngka (Rs.3,00,000/-) sha ka Chief Minister COVID-19 Relief Fund kum ka dak ka jingiatrei lang bad ka sorkar ban ia khun pyrshah ia kane ka jingpang COVID-19.